lista de cousas que dirá de nós a maldita xente do futuro

Verdadeiramente, son raros os homes que lograron non seren escravos da época que lles tocou vivir. E non digamos as mulleres.

Algunha vez seremos examinados por alguén como bacterias no cristal dun microscopio. Ás veces, cando me ducho, cando remoloneo na cama, viaxo a 140 pola autoestrada ou asisto como oínte a unha charla de oblicuo interese, matino nas cousas que dirán de nós no futuro. Os do futuro. Eses idiotas sobreestimados.

O seu que dirán, naturalmente, impórtame unha figa. É máis ben o noso isto non pode mudar o que me fai gracia. Os nosos netos… ollarán con candor as nosas fotos como obxectos infantís? Nós mesmos miramos con paternalismo aos nosos avós, esforzados por parecer rectos e solemnes en fotos artificiosas nas que pousaban con roupa emprestada e beizos coloreados…

Así que hoxe, 20 de xaneiro de 2008, penso…

que han dicir de nós as e os do futuro? Presupoñemos que existirán. Sendo así, dirán algo? Talvez, por exemplo…:

Dior mío, aínda dicían cousas como dios mío. E eu. E conferencia. E dereitos de autor

Dior mío, aínda queimaban petróleo

Dior mío, comían vacas

Dior mío, non coñecían o groc, a mimia, o netarismo

Que animais, drogando ata a castración aos que diagnosticaban de enfermos mentais

Non sabían nin pisca do cerebro

Que patéticos, con conexión por cablemódem

Que indefensos, dependendo das baterías

Que crédulos, partillando a lúa en leiras

Viches? Mesmo confiaban na democracia coma no mellor dos mundos posíbeis

Fíxate se serían supersticiosos: crían nas ciencias exactas!

Dior mío, como serían quen de vivir nesas casas?

Dior mío, como poderían aturar ese cheiro a colonia, a desodorante, a perfume? A alcohol?

Que riquiños, tomaban café

Que repugnantes, tomaban café

Estaban obsesionados ad absurdum con ser significativos! Todo tiña por forza que significar algo: os seus nomes propios, as formas das nubes, o comportamento das partículas  subatómicas

A xente morría dun simple cancro

Aínda crían no progreso e chamaban a outros primitivos

Como podían comer iso! E iso!

Pero se pensaban que a novela era o summum da cultura escrita

A sinestesia para eles non era máis ca unha patoloxía

Que cantidade de fotos, vídeos, rexistros de todo tipo estaban empeñados en tomar

A xustiza era humana!

Aínda non sabían todo iso das árbores

Aínda non sabían todo iso da antimateria

Aínda non se descubrira a biomoloxía

Os seus debuxos animados eran así!

Consideraban que o ser humano estaba destinado a vivir… 400 anos!

Cociñaban os cogomelos!

As súas guerras! Jajajaja!

As súas películas… quen as entende? Son leeeeentas e a definición, baixísima

Non sospeitaban que nós diríamos isto deles

Non sospeitaban que nós non diríamos nada deles

A iso chamábanlle sinxelamente sorte

A aquilo chamábanlle, complicadamente, destino

Os seus vídeoxogos… pfff. Para os museos

Practicaban o sexo así!

Practicaban o sexo!

Non practicaban o sexo, pero crían que si!

A interfecta que escribíu isto era eu

A clase política cobraba!

Traballaban por lei 40 horas á semana e na realidade moito máis!

Iso e iso e tamén iso era todo ilegal

En troques, ……mmmm…… estaba legalizado e a xente consumíao sen problemas en lugares públicos e perante os fillos!

Como podían…?

Eran parvos

Eran espilidos

Eran demasiados

Estíbaliz.. Espinosa, xaneiro 2008

as dúas imaxes son de M. C. Escher 

15 thoughts on “lista de cousas que dirá de nós a maldita xente do futuro

  1. Que Dior nos colha confessados e cheirando a algum dos seus perfumes… parabens polo publicado na Regueifa e por este blogue que vou a incluir na minha listagem de cousas que mirar.

  2. grazas, modernodemerda :]

    roi buligan, ao final da entrada figura o nome do autor dos debuxos, linkado a unha páxina de flickr con máis obra súa

  3. Meu deus, e pensaban isto do futuro

    Give me back my broken night
    my mirrored room, my secret life
    it’s lonely here,
    there’s no one left to torture
    Give me absolute control
    over every living soul
    And lie beside me, baby,
    that’s an order!
    Give me crack and anal sex
    Take the only tree that’s left
    and stuff it up the hole
    in your culture
    Give me back the Berlin wall
    give me Stalin and St Paul
    I’ve seen the future, brother:
    it is murder.

    Things are going to slide, slide in all directions
    Won’t be nothing
    Nothing you can measure anymore
    The blizzard, the blizzard of the world
    has crossed the threshold
    and it has overturned
    the order of the soul
    When they said REPENT REPENT
    I wonder what they meant
    When they said REPENT REPENT
    I wonder what they meant
    When they said REPENT REPENT
    I wonder what they meant

    You don’t know me from the wind
    you never will, you never did
    I’m the little jew
    who wrote the Bible
    I’ve seen the nations rise and fall
    I’ve heard their stories, heard them all
    but love’s the only engine of survival
    Your servant here, he has been told
    to say it clear, to say it cold:
    It’s over, it ain’t going
    any further
    And now the wheels of heaven stop
    you feel the devil’s riding crop
    Get ready for the future:
    it is murder

    Things are going to slide …

    There’ll be the breaking of the ancient
    western code
    Your private life will suddenly explode
    There’ll be phantoms
    There’ll be fires on the road
    and the white man dancing
    You’ll see a woman
    hanging upside down
    her features covered by her fallen gown
    and all the lousy little poets
    coming round
    tryin’ to sound like Charlie Manson
    and the white man dancin’

    Give me back the Berlin wall
    Give me Stalin and St Paul
    Give me Christ
    or give me Hiroshima
    Destroy another fetus now
    We don’t like children anyhow
    I’ve seen the future, baby:
    it is murder

    Things are going to slide …

    When they said REPENT REPENT …

    L. Cohen-

  4. Vagamundos: a letra é tremenda, si. Unha especie de apocalipse do occidental?

    pero que podemos engadir nós ao señor Cohen, nós lousy little poets…?

  5. As veces é necesario o colapso para a reconstrucción.

    Posiblemente de nós pensarán:

    Meu deus, tiñan deuses
    Meu deus, creian en bandeiras e fronteras
    Meu deus pensaban que se podían deter os famentos e desesperados con esas fronteras
    Meu deus creian nun senso social da existencia
    Meu deus pensaban que eran propietarios da terra e comprabana e vendiana

  6. cristinha, hoxe veño de coñecer a xentes que te concernen. Foi simpático. Noraboa por ese novo blog :]

    zerovacas, tá claro. Imos ser o “faimerrir” dos futurísticos

    vagamundos, jo, se se perde o senso social da existencia… a ver de que carallo viven os do futuro. Porque estou convencida de que hai moita xente que segue viva neste planeta só porque existen outros

    Moitas grazas a todos polas vosas achegas. Este blog ponse tan interesante con elas que dáme ganas de lelo. Esquecín poñelo pero, como sempre, está é unha lista aberta. Menos mal que mo lembrades. E podemos seguir así… ata o futuro, mesmamente. Veña, engadide máis, que non nos queda nada…

  7. xa me contaron, foi unha pena perdelo…a próxima será, entón

    e vaia se me concernen, tanto que cando chegaron metéronme na cociña!!e o onionboy non probou a sopa de langostino que lles preparei!!

  8. ya se que contarte,enviame algo tuyo por correo,no se lo que se te ocurra,un libro,una carta,un beso,no se algo bonito.gracias por atenderme estibaliz,un beso,ya sabes mi direccion,sin compromisos,besiños

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s