El musgo que indica el norte. Ediciones  QVE. Haibooks.

É o debut como escritor de Luis Carril. A súa estación total. Porque antes que nada é topógrafo. É como unha consecuencia desa aparatoloxía e xeolocalización constante que este tipo escriba haikus.

[podemos darlle a volta á cousa: Porque antes que nada é haijin. É como unha consecuencia desa aparatoloxía, climatoloxía e métrica constantes que o tipo exerza de topógrafo]

Si. Así mellor.

Os demais, coa tardiña,

fóronse indo.

Neno na neve.

_____

Un paso máis

e non se oirán os chíos.

Só a fervenza.

_____

Ollando o campo.

Chega ao meu lado un can.

Non sei de ónde.

[tradución a galego polo autor]

_____

_____

Vello xadrez.

O balor preferiu

as pezas negras.

_____

Pasa unha brisa.

Despenteáme e logo

arrola o freixo.

_____

Dous supersónicos.

No ceo fica un xis

evaporando.

_____

Amigos checos.

Cantigas de borrachos

nun outro idioma.

_____

Vello nun banco.

Logra dar levantado

como á terceira.

_____

Calma nas termas,

paz mesmo na mosca que

flota afogada

_____

Piñeiral rexo

por entre os rexos troncos

chuvisca oblicua.

_____

Marchou a feira.

Por aquí andaba un posto:

o das especias.

_____

Saír o último.

Queda alguén? digo en alto.

Que estraña voz.

[tradución ao galego de E…E]

Estes son algúns dos haikus do libro, que conta tamén con pequenas historias, estampas que funcionan como haikus desenvolvidos, como haikus con trama. Para nenos e maiores.

Poden adquirir exemplares na Libraría Xiada, Avenida Finisterre, 78. Na Cristal Vila [A Coruña]