campo de xogos forzas

/campo de forzas xogos /

Dicimos unha cousa e queremos dicir outra.

Para sobrevivirmos nesta era
con pinta interglacial
sobre este planeta, entre a xentalla esta
convén ter claro que
dicimos unha cousa e queremos dicir outra.

Eu mesmo mentindo devo argumentar.

A pídelle a B a tradución dun texto
págalle por iso
xa que o sexo entre eles é imposible.
B á súa vez encarga a C que o corrixa
por razóns siamesas.
A cousa segue ata o Z
nun moi alfabético armazón.

Onde hai diñeiro hai sexo
onde hai sexo hai intercambio
que abstraemos en diñeiro.
Os cartos significan outra cousa.
Sempre significan outra cousa.
O amor significa outra cousa. Sempre.

Amamos unha cousa e queremos amar outra.
Dicimos todo aquén e no fondo é todo alén.

Mesmo alguén, aquí ben dentro,
entre estas liñas
pode ter alimentado
inxenuas turbias intencións
que non son sexo
nin tampouco cartos
-mesmo alguén, aquí ben.
Mesmo alguén-.

These are my twisted words

Dicimos unha cousa e queremos dicir outra
e esa interpretación sen tregua
ese malabarismo sobre abismo
de malentendido en sobreentendido
tacón punta tacón
e volta a nos perder
fainos felices con desesperación
com
pulsivamente humanos.

[Tamén a nosa vida era unha cousa
cousa tan mutable
que pillala nun sentido
sería nos beber a luz a grolos cuantos]

3 thoughts on “campo de xogos forzas

  1. Unha cousa é o que vostede queira dicir e outra é o que SE queira que diga, sendo ese SE o referente dun suxeito impersoal que representa a institución do discurso. A lóxica admirable da súa obra vai, antes que despois, casar coa lóxica fatídica do sistema e o seu discurso rematará por servir a aqueles intereses que vostede xamais quixo servir. Ou non. Non temos outra erección (desculpe) que a de sermos marxinais, fracasados, periféricos? Desde logo sermos centrais e triunfantes non entra dentro do noso xogo de ereccións (desculpe) posibles. Ou si. Non se preocupe, centos de eséxetas, comentaristas e opinadores virán explicarnos que, en realidade,… Daquelas que cantan as pombas e as flores… O conflito entre discursos non está só no que SE diga senón, e sobre todo, naquilo que SE diga que dicimos. Non sei se me explico.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s