museo de cancros- Luna Miguel

Museo de Cancros

(Por iso amputarán os teus pés. Por iso selarán os teus ollos con anacos de mapas antigos. Por iso pronunciarán o teu nome na celebración do páncreas. Comprendes? Por iso o útero é máis escuro -intestino e córnea-. Por iso amputarán o rezo. Comprendes?)

-Luna Miguel Santos: viva / cancro de azucre

-Ana Santos Payán: viva / cancro de mamá

-Pedro Miguel Tomás: vivo /cancro de saúde

-Chus Tomás: viva /cancro de paciencia

-Pedro Miguel: morto / cancro de avó

-Mercedes Payán: viva / cancro de soidade

-Manolo Santos: vivo /cancro de familia

-José Ángel Valente: morto / cancro de luz

-Roberto Bolaño: morto /cancro de probabilidades

-David Foster Wallace: morto /cancro económico

-Marcel Schwob: morto /cancro de sífile

-Antonio J. Rodríguez: vivo /cancro de Europa

(Por iso dóeme, sabes? Por iso dóeme o sangue: porque está fóra. E dentro non doe e fóra mata. E dentro non manca e fóra asusta. Que intenso o sangue. Que perigoso. Por iso dóeme, entendes? Enténdelo?)

-Daniel Clowes: vivo /cancro pantasma

-Clarice Lispector: morta /cancro de audacia

-Alejandra Pizarnik: morta /cancro de gaiola

-Miguel Hernández: morto /cancro de lúa

-Jorge Luis Borges: morto /cancro de viúva

-Michel Houellebecq: vivo/ cancro de pene

(Por iso non existo. Xa marchas? Por iso ao curarnos todos nos fugamos. Quen fica? O peor. Onde?)

-Antonin Artaud: morto /cancro de tolo

-TS Eliot: morto /cancro fenicio

-Eduardo Cirlot: morto /cancro de Astarté

-Édmond Jabés: morto /cancro de Exipto

-Antonio Machado: morto /cancro de Leonor

-Vladimir Nabokov: morto /cancro de lume de cancro de entrañas

-Thomas Pynchon: vivo/ cancro de rostro

-Sharon Olds: viva /cancro de satanás

-Dorothea Lasky: viva /cancro de leite

-Virgina Woolf: morta / cancro de auga

(Por iso afogo. Por iso non entendo o amor. Por iso non caio enferma. Por iso só enfermo. Sabes? Só enfermo.)

-Charles Baudelaire: morto /cancro de feo

-Arthur Rimbaud: morto /cancro de elefante

-Paul Valéry: morto /cancro mariño

-Joyce Mansour: morta /cancro de muller

-Paul Élouard: morto /cancro azul

-Lysiane Rakotoson: viva /cancro de neve

(Por iso estas manchas. E esta pel. Como unha cicatriz eterna extendida e branca, a miña pel é cicatriz, a miña pel é o cordón umbilical entre a lingua e as axilas. Por iso estas manchas vermellas. Por iso estas manchas negras. Por eso o arrecendo a froita: a lingua, as axilas)

-Emily Dickinson: morta /cancro de cona

-Anne Sexton: morta /cancro de cona

-Anna Ajmátova: morta /cancro de cona

-Sylvia Plath: morta /cancro de cona

-Marina Tsvetáieva: morta /cancro de cona

-Javier Marías: vivo /cancro pesado

-Enrique Vila-Matas: vivo /cancro de Enrique Vila-Matas

-Gonzalo Torné: vivo /cancro espía

-Rodrigo Fresán: vivo /cancro inquietante

-Tao Lin vivo /cancro MDMA

-Ben Brooks: vivo / cancro cervo

-Unai Velasco: vivo /cancro 1990

(Por iso vomitaba, enténdelo? Por iso a bulimia daqueles meses intentando adelgazar para dar mágoa, intentando enfermidades impregnadas de non sei que. Intentando a literatura. Por iso vomitaba, lembras?)

-Ana Santos Payán: viva /

-Ana Santos Payán: viva /

-Ana Santos Payán: está viva /

 

Luna Miguel, de La tumba del marinero, La Bella Varsovia, 2013

Tradución de E..,E