Esta tarde, ás 18:30, repetimos na Biblioteca de Los Rosales de A Coruña o recital-concerto …escrita no ceo: que presentáramos en xaneiro no Planetario de A Coruña. Unha lectura de textos e cancións sobre o ceo, pero baixo o ceo: esta vez o do refuxio dos libros.
Haberá outras sorpresas, outros regalos e outros textos e, sobre todo, un aquófono diferente: en xaneiro visitounos o aquófono micronecta e agora chega o aquófono de bambú, pingas de auga pasadas polo filtro de samplers, da man de Patxi Valera. Ademais del, madamme cell estará ao teclado e ao sonidismo improvisado e eu poñerei a voz e os textos.
Compartiremos obras dende Italo Calvino a David Bowie, dende Vítor Ramil a Wislawa Szymborska, dende Kobayashi Issa a Roberta Flack… E auga de aquófono para este outonoagosto.
Igual non vindes. Pero igual si. Así son as cousas. Todo moi Schrödinger.
![escrita no ceo [Planetario]](https://estibalizes.files.wordpress.com/2014/10/escrita-no-ceo-planetario.jpg)
...Estíbaliz Espinosa... palabra ciencia canto 