Que significa ser a túa irmá? Como é aparecer de repente na túa casa, dende a misma espiña?

A túa tristeza dáme varias veces na cabeza e ao volverme a ti xa non te vexo

[…]

Que significa ser irmáns? Lectores siameses, euquesei? Ata onde nos leva o fento común, a rama dourada?

Por que lado do cerebro se nos irmanda con algo, se nos solda a outra vida?

Irmáns de leite, células pescadas dun río de posibilidades cunhas agullas do 3 e ganchilladas nos xestos, na letra puntiaguda, nas manías. Nos iris. Nunha dobrez do pulmón.

Nun pregue do fungo nuclear do encéfalo.

Dáme varias veces na cabeza. E ao volverme a ti xa non te vexo.

Que rima con irmán?

Célula divina.

ADN que me quere soar de algo.

Libro abandonado antes de tempo.

Estíbaliz Espinosa, 2015

Guillermo, as luvas de boxeo e o secreter de mamá