lasca

toda a noite fun lasca de pedra

noite dos tempos
lasca
de pedra

olvidada en Olduvai
calcolítica sen importancia

alguén traballoume
horas
e horas
sentado sobre os talóns
sentado sobre os taxóns
sacoume de min

-quizais non fose sentado
quizais fose sentada-

bifaz
humus desta terra seca
son arista
son arisca
son tan nómade
como a man que aló me leva
e non lle pertenzo

non
non lle pertenzo

alguén arrebólame lonxe e por un intre
resplandezo de cracs
resoo ao sol

Estíbaliz…Espinosa, maio 2012