{ proxectos | contidos }

«SagaS»  un proxecto en web de tradución en ambos sentidos, como a propia palabra palindrómica lexible en ambos os dous sentidos «sagas».

Unha saga é un relato continuado no tempo. A tradución de textos tamén o é.

A web creouse como un espazo aberto a colaboracións de traducións a galego e dende o galego. Canda o necesario esforzo e aposta dalgunhas editoriais en papel, falta aínda sachar textos e contidos tamén na rede.

http://sagasomos.wordpress.com/

« Cápsulas de Son» é un nanoespazo radiofónico de 13 relatos sobre mulleres  científicas investigadoras no eido da biomedicina, patrocinado polo FECYT e levado a cabo dentro do proxecto global de divulgación de biomedicina da Dra. Joana Magalhães e o CIBER,  «Biomedicina con y para la sociedad » ao longo do ano 2015. Radio Voz.

Narración: Estíbaliz Espinosa. Revisión científica: Joana Magalhães. Locución: Estíbaliz Espinosa e Yare Brea.

☞« …escrita no ceo» é un proxecto persoal de literatura, música e ciencia feito posible grazas á complicidade dun dos lugares emblemáticos da Coruña, o Planetario da Casa das Ciencias, onde a voz viaxa a anos-luz, rebota e volve. Unha lectura híbrida e compartida de textos e sons sobre o ceo, pero baixo o ceo. Co aquofonista e percusionista Patxi Valera e o teclista e ruidista madamme cell [Nacho Muñoz].

Actuacións:

Planetario da Coruña [2014]
Biblioteca de Los Rosales, A Coruña [2014]
Casa Museo Valle-Inclán [versión con textos de Valle], Pobra do Caramiñal, [2014]
Ocupai! Iberian Festival of Art and Action, Binaural Media, São Pedro do Sul, Portugal [2015]

«Soños de robots» foi unha divulgación sobre literatura, ciencia-ficción e robots, creada e realizada con Joana Magalhães e os robots Pepexán e Marilú, no MUNCYT [Museo Nacional de Ciencia e Tecnoloxía], nos meses de xullo e agosto do 2014.

«Pinte un bisonte na caverna, por favor» : unha programación ao longo de nove meses centrada na literatura, a arte e as novas tecnoloxías en rede, con diferentes autores e autoras emerxentes e xa consolidadas da cidade da Coruña.

Realizouse entre novembro de 2007 e abril do 2008. Dirixido e presentado por Estíbaliz Espinosa. Financiado polo Centro On de Caixa Galicia.

«Ulalume» , foi un programa radiofónico con lecturas en vivo e temas literarios emitido na radio comunitaria CUAC FM, entre 1996 e 1999. Realizado con Beatriz González de Canales, Jose Fernández Cid, Estefanía Fernández, Mar Laredo Cordonié, Serxia Laxe, Bruno Mayorga, Mariano E. Fernández, Charlie Freire, Sandra G. Rey.

Deste programa xurdiu un grupo de contacontos infantís en activo durante os anos 2000-2008.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s